893.தேடல்

ஆளை விட்டுத் தேடிப் பார்த்தேன் !
அக்கம் பக்கம் சுற்றிப் பார்த்தேன் !

மலைமேல் ஏறி குதித்துப் பார்த்தேன் !
மௌனமாய் சற்றே பேசிப் பார்த்தேன் !

நிற்காமல் ஓடிப் பார்த்தேன் !
தலைகீழாகவும் நின்று பார்த்தேன் !

பணத்தை கொஞ்சம் சேர்த்துப் பார்த்தேன் !
பசியால் கொஞ்சம் வாடியும் பார்த்தேன் !

அங்கும் இல்லை நிம்மதி !
இங்கும் இல்லை நிம்மதி !

எங்கும் இல்லை நிம்மதி !
அட...
எதிலும் இல்லை நிம்மதி !

பிறகு .....

கண்ணை கொஞ்சம் மூடிப் பார்த்தேன் !
உள்ளே கொஞ்சம் உற்றுப் பார்த்தேன் !

என்னுள் இருக்குது நிம்மதி !
அதை..
வெளியே தேடுது என் மதி !